Բաքվի խաղերով Ադրբեջանը ցույց տվեց իր իրական դեմքը. Է. Շարմազանով
ՎերլուծությունTert.am-ը գրում է.
Բաքվի եվրոպական խաղերը լավ փաթեթավորված շուու էին և ցույց տվեցին, որ կա երկու Ադրբեջան: Այս մասին ՀՀԿ Գործադիր մարմնի նիստից հետո լրագրողներին ասաց ՀՀԿ խոսնակ, ԱԺ փոխնախագահ Էդուարդ Շարազանովը:
«Մի Ադրբեջանը այն մարզադաշտն է, որտեղ տեղի ունեցավ խաղերի բացումը, որտեղ ամեն ինչ շքեղ էր և շքեղությամբ փաթեթավորված վիճակ էր, որտեղ բոլորը երջանիկ դեմքերով էին, բայց դա ինձ հիշեցնում էր անցյալի տարբեր ավտորիտար երկրներ, որտեղ կային բազում խնդիրներ, բայց մարդիկ պարտադրված էին ժպիտով քայլել և ասել՝ «կեցցե այս առաջնորդը, կեցցե այն առաջնորդը»: Բայց իրականում Եվրոպական օլիմպիական խաղերը ավելի հստակ ու հրապարակային , բացահայտ ցույց տվեցին Ադրբեջան պետության իրական դեմքը»,-ասաց ՀՀԿ խոսնակը:
Նա առաջարկեց մի օր միայն միջազային մամուլի տեսություն անել և համոզվել ասվածում:
«Թե ինչ են գրում, թե ինչ բռնությամբ են այնտեղ մարդու իրավունքները ճնշվում»,-հիշեցրեց ՀՀԿ խոսնակը:
Անդրադառալով ՀԱՊԿ գլխավոր Նիկոլայ Բորդոյուժայի հայտարությանը, ըստ որի՝ եթե Լեռնային Ղարաբաղում իրավիճակը սրվի, Հայաստանը ՀԱՊկ-ից լրացուցիչ օգնություն կստանա, ՀՀԿ խոսնակը նկատեց.« Պարոն Բորդյուժայի այս հայտարարությունը դիտարկում եմ որպես ուղիղ ազդակ Ադրբեջանին՝ ՀԱՊԿ-ի կողմից, և, ինչու՞ ոչ, համանախագահ երկրների կողմից, որովհետև մեկ անգամ չէ, որ այս ընթացքում Ադրբեջանի ղեկավարությունը խոսել է խնդրի ռազմական լուծման մասին, և այդ իմաստով երբ ՀԱՊԿ գլխավոր քարտուղարը հայտարարում է, որ հավելյալ օժանդակություն կցուցաբերվի, դա ևս մեկ անգամ ապացուցում է, որ ՀԱՊԿ-ը Հայաստանի դաշնակիցն է, և Հայաստանը կարող է իր գործընկերներից աջակցություն ակնկալել»:
Այսինքն՝ Բորդյուժան հասկանալ տվեց, որ որևէ լարում ընդունելի չէ և դատապարտելի է հենց ՀԱՊկ-ի կողմից:
Կա՞ , արդյոք, պատերազմական գործողությունների վտանգ, եթե նման հայտարարություններ են հնչում. ՀՀԿ խոսնակը հիշեցրեց, թե քանի դեռ հակամարտությունը վերջնական խաղաղության պայմանագրի կնքման փուլում չէ, տեսականորեն նման վտանգ միշտ էլ կա, սակայն Էդուարդ Շարմազանովը լայնածավալ պատերազմական գործողությունները բացառում է և′ տեսականորեն, և′ գործնականում: