Աբրահամյանը՝ նոր պատերազմի հավանականության մասին
BlogՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ադրբեջանի ասածը հետևյալն է։ Նրանք հստակ ասում են, որ իրենց կողմից կա պահանջ, որ իջեցված է առհասարակ Հայաստան-Ադրբեջան բանակցային օրակարգում։ Նրանք պարզ ասում են՝ ինչին կարող են հասնել խաղաղ ճանապարհով, դրա համար գնալու են խաղաղ ճանապարհով, իսկ ինչին, որ հնարավոր չեղավ գնալ խաղաղ ճանապարհով, գնալու է պատերազմական գործողություններով։ Այս մասին քիչ առաջ Ազգային ժողովում լրագրողների հետ զրույցում ասաց ԱԺ «Պատիվ ունեմ» խմբակցության պատգամավոր Տիգրան Աբրահամյանը։
«Այնպես որ՝ ես չեմ կարծում, թե Ադրբեջանի նախագահի վերջին հայտարարությունից հետո տեղի են ունցել ինչ-որ լուրջ փոփոխություններ նրանց սկզբունքների կամ ճանապարհի առումով։ Ադրբեջանի իշխանությունները, ի դեպ, որոշակի գաղտնազերծումներ են անում բանակցային պրոցեսի որոշակի էլեմենտների հետ կապված։ Պրոցեսը այնպիսին է, որ ենթադրում է կամ Հայաստանի կողմից շատ ավելի մեծ տարածքային զիջումներ, կամ Ադրբեջանը գնա հերթական արկածախնդրության ճանապարհով»,- հավելեց նա։